Supersticioso? A gadaña e o gadañeiro #Galego

En breve

José Paz

     

                                           

Ás veces o cotiá ten estas cousas, atopas imaxes que como se fosen sinais che dan no lombo. A morte é a única certeza, o destino que a todos nos iguala e do que ninguén se escapa. A morte é canalla, nunca se esquece, camiña ao noso lado e convén non aturala demasiado. Na nosa sociedade, non acostumada a sufrir, é un termo tabú. As necrolóxicas son unha afirmación en si mesmas, a constatación de que fulano deixou de estar connosco. Unha maneira de despedirse con elegancia e fonte de información en si mesma. A morte esperta a curiosidade dos vivos, tamén o grito desesperado e as grazas por non selo elixido.