Imaxino que o dos
derbies é algo grande, moi
grande, cincocentos millóns de persoas dispostas a deixar os seus problemas a
marxe e ollar cara ese Madrid-Barça, así o escoitei esta tarde na
radio, nesas anécdotas previas ao partido . Desde a miña nada futbolera visión de
xogo decido experimentar coa novidade disposto a vivir o mach como o fan a
maior parte dos mortais, nun bar. Unha desas atalaias castizas que dispensan
sabiduría a esgalla entre viños, cervexas e pinchos. A verdade é que senta ben iso
de cambiar o chip, rachar coa tiranía dos mercados, da débeda, da crise ou os
debates apocalípticos arredor da nosa sufrida Europa. A ver que pasa. Recoñezo que é difícil
atopar concentración, colocado como estou baixo a un altofalante que afronta a narración como se fose
a ultima. Coméntanme José, o dono do local, que hoxe non hai demasiada xente porque o partido
dano en aberto.
Vinte e dous
segundos despois do inicio o público érguense coma un resorte do seu asento, Benzema
decide darlles unha alegría á maioría merengue. As celebracións non pasan deso,
incrédulos da rapidez do acontecido. Minuto vinte e cinco, o xogo entorpécese cunha serie de faltas que fan perder os nervios dos clientes do local.
Primeiras disputas e gol do Barça, érguese novamente o respetable, novidade,
non son os mesmo de antes, deduzo que o gol é barcelonista. Evidentemente, gol
de Alexis. O xogo segue tosco, con entradas a cámara lenta televisiva para dramatizalas
un chisco, como se fose necesario. “Cristiano jodeuse”, escoito dende a barra.
Lamentos, xogadas de estratexia, o público é sabio, adxudica tarxetas ao contrario
como se fosen súas. Que se a Pepe, que se a Messi, por protestar. Pura sabedoría.
A verdade é que plasticidade destes futbolistas resulta incrible, o espectáculo
visual paga a pena velo. “É a segunda”, o público berra dentro e fora da
pantalla. Algún lle recrimina a actitude do adestrador madridista reclamando a segunda tarxeta para Messi. A
situación é un corrícalle, Ahhhh, E descanso, (1-1) o público érguese a busca
de novas consumicións. Os narradores na tele falan do partido en terminoloxía
puxilística. Pídelle perdón!
Si, comezou a segunda metade é o afeccionado segue
aí, case máis tenso reclamando o seu veredicto. Falta sobre a porta de Valdés.
Dispara Cristiano, para o porteiro con seguridade. Contragolpe e gol do Barça,
de Xavi, despois de petar conta o pao; as caras do respetable un poema. Nótase,
como se di a tensión no ambiente. A verdade é que o partido está rabioso,
vibrante, nesta ocasión o remate vai a córner. Primeiros comentarios críticos
contra o equipo merengue, as diferencias percíbense, os “cataláns” tócana mellor.
“El peor guión posible para o Madrid”, sinala o comentarista. Desde o Twitter
os outros afeccionados tamén lle dan consellos ao adestrador. Oportunidade
clara de Ronaldo que sae fora, despois de lamentarse volven a perdelos nervios.
Terceiro gol para o Barça, case mellor non mirar para as caras. Algúns
cabreados apuran as cervexas. Caras que son poemas. “Chega a impotencia e ai
veñen as hostias”, “Veña me cago en deus”. Impotencia, o argumento máis
repetido. El partido marca destellos de gran intensidade, xogadores que son
atletas. O Madrid insiste unha e outra vez pero non aproveita a súas
oportunidades. “O Madrid quere morrer matando”, que di o comentarista. Kaká que falla unha oportunidade manifesta, a
posibilidade de meterse no partido. Cánticos no Bernabeu, e iso que van
perdendo. Queda un minuto e marcha Iniesta. Tres despois remata o
partido, as facianas evidencian a derrota. A maioría merngue marcha cabisbaixa cara a casa, eso debe supoñer perdelo derbi.
No hay comentarios:
Publicar un comentario