Fálame do mar
mariñeiro
Todos os ministros
–en especial os de Educación- son iguais, primeiro escenifican o
caos, despois anuncian reformas. Que se alta porcentaxe de abandono
escolar, baixa preparación, insultante paro xuvenil, para entrar a
matar e liquidar a “controvertida” Educación para a Cidadanía
que xa é historia, ou histeria, segundo quen a mire, esta
cambiarase por outra máis acorde cos tempos, Educación Cívica e
Constitucional, que xa non irritará á Igrexa, e que fará fincapé
en potenciar valores cívicos e democráticos, deixando as cuestións
das emocións e da sexualidade para os pais.
A ESO do ministro
Wert durará tres anos, e non catro, e o bacharelato tres, e non
dous, coa obrigatoriedade de cursar o primeiro deles, os últimos
serán opcionais. Hai quen ve suspicacias en pro dos concertados,
haberá que demostralo. Tamén un novo Estatuto do Docente
procurará que sexan os mellores os que rematen no ensino,
até o de agora non? Quizás o máis substancioso estea no relativo
aos idiomas, o mal chamado bilingüismo, di que se vai a inspirar en
comunidades coma a nosa, nas que teoricamente xa estaría
implantado. Imaxino que con bo tino o noso ben querido conselleiro
don Xesús Vázquez lle apuntará que unha reforma semellante implica moitos
cartos, incorporar novos mestres que saiban inglés para impartir a
docencia en xeral, e a reconversión dos mestres actuais, algo que
nos centros públicos levaría uns trinta anos, vamos da noite para a
mañá. Quizais mentres o pensan sería máis práctico comezar pola
non dobraxe das series e películas coma se fai en países próximos,
incluso en países non desenrolados, no que o nivel de idiomas é
mellor. Pero como o anunciado non é máis ca un desexo, unha carta aos reis
magos, soportaremos os nervios. O vindeiro 31 de marzo, data na
que se aprobarán os presupostos, coñeceremos a data para o inglés.
Do you understand?
 |
| José Paz |
*Publicado no xornal La Región o 2/01/2012
No hay comentarios:
Publicar un comentario