The Crooked Path” ao marxe de se corresponder co título da última mostra que ao autor canadense Jeff Wall (Vancouver, 1946) lle dedican no CGAC, é tamén o título dunha obra homónima que a modo de metáfora reflicte as pegadas no chan do transitar errático do home (e o artista ) nun solar do extrarradio no que ao fondo se ve unha nave comercial e algo máis próxima, un conxunto de colmeas.
 |
| Édouard Manet, Almorozo sobre a herba, 1863 |
 |
| Jeff Wall, A narradora, 1986 |
A obra de Wall está enmarcada dentro da prolixa escola de Vancouver, con autores tan interesantes na liña foto-conceptual de Roy Arden ou Ian Wallace, escola que reflicte a rica actividade cultural na cidade canadense durante un amplo período de interrelación entre artistas de todo tipo de correntes e procedencias. Xunto coa práctica conceptual, outra das herdanzas da escola de Vancouver son os foto-tableau de grandes proporcións a imaxe e semellanza da pintura, e o desenrolo do soporte cara unha manifesta obxectualidade.
Todo o universo Wall instálase nas tres salas do edificio de Álvaro Siza cun propósito relacional e didáctico, segundo a premisa do comisario Joël Benzakin. 25 obras en gran formato da súa extensa carreira comparten escenario con outras 130 de diversos artistas nas que o canadense atopou conexión aínda que tan só fose intelectual, das que destacaría a de Lawrence Weiner, do que se cicelou un cadrado na parede da sala, eliminando todo aquelo que se puidera relacionar coa representación. Tamén salientable a achegada de Carl Andre, Stella, ou o propio Arden.
Persoalmente penso que un dos maiores logros deste gran fotógrafo atópase nas proxeccións imaxinarias, nas conexións artísticas que dun xeito intelectual quedan suspendidas no ar para dar pé a múltiples lecturas. A conexión con outros autores, basicamente pintores figurativos, é máis que evidente. As escenificacións establecidas polo canadense, ao marxe de cuestións propias do seu entorno cultural, como puideran ser o surrealismo, adquiren conexións mentais coa dialéctica moderna, con pintores como Manet ou Cézanne. A destacar unha das obras máis impresionantes, en canto a tamaño e composición “A Narradora”, na que aparecen a carón dunha ponte unha serie de actores, toda a súa fotografía é escenificada, estratexicamente dispostos ten claros acenos á obra de Manet, “Almorzo sobre a herba”, comezando pola disposición e a pose do grupo de persoas da esquerda do cadro.
En fin, despois dunha seca expositiva no CGAC de máis de dous anos, esta exposición dedicada a Wall non resarce de nada, pero si fainos recobrar a esperanza.
“The Crooked Path”, de Jeff Wall.
CGAC, Santiago de Compostela, até o 26 de febreiro.
Todo o universo Wall instálase nas tres salas do edificio de Álvaro Siza cun propósito relacional e didáctico, segundo a premisa do comisario Joël Benzakin. 25 obras en gran formato da súa extensa carreira comparten escenario con outras 130 de diversos artistas nas que o canadense atopou conexión aínda que tan só fose intelectual, das que destacaría a de Lawrence Weiner, do que se cicelou un cadrado na parede da sala, eliminando todo aquelo que se puidera relacionar coa representación. Tamén salientable a achegada de Carl Andre, Stella, ou o propio Arden.
Persoalmente penso que un dos maiores logros deste gran fotógrafo atópase nas proxeccións imaxinarias, nas conexións artísticas que dun xeito intelectual quedan suspendidas no ar para dar pé a múltiples lecturas. A conexión con outros autores, basicamente pintores figurativos, é máis que evidente. As escenificacións establecidas polo canadense, ao marxe de cuestións propias do seu entorno cultural, como puideran ser o surrealismo, adquiren conexións mentais coa dialéctica moderna, con pintores como Manet ou Cézanne. A destacar unha das obras máis impresionantes, en canto a tamaño e composición “A Narradora”, na que aparecen a carón dunha ponte unha serie de actores, toda a súa fotografía é escenificada, estratexicamente dispostos ten claros acenos á obra de Manet, “Almorzo sobre a herba”, comezando pola disposición e a pose do grupo de persoas da esquerda do cadro.
En fin, despois dunha seca expositiva no CGAC de máis de dous anos, esta exposición dedicada a Wall non resarce de nada, pero si fainos recobrar a esperanza.
“The Crooked Path”, de Jeff Wall.
CGAC, Santiago de Compostela, até o 26 de febreiro.
No hay comentarios:
Publicar un comentario