Os países totalitarios evitan que os turistas se mesturen coa poboación local, a razón é ben sinxela, para evitar o anelo e a contaminación con modelos sociopolíticos moi distintos que creen demandas aperturistas. Así aconteceu na vella España dos sesenta e setenta, a proliferación do turismo en xeral e en particularidade o dos desenrolados países nórdicos xerou un efecto económico importante nas arcas do goberno franquista pero tamén unha ruptura social interna nunha poboación atrasada.
 |
 |
| Ánxela e Vari Caramés. |
 |
| Anna Katarina Martín |
Ulla Kruse, unha muller sueca que casou cun daqueles españois sentiu en carne propia o significado de entrar en contacto entre dúas culturas tan distanciadas; o resultado é obvio, incomprensión, receos, problemas de comunicación; conclusión, illamento. Moitas décadas despois, a súa filla, Anna Katarina Martín, nun traballo autobiográfico e performativo con reminiscencias cinematográficas métenos na pel de esa muller –ela a cualifica de heroína- que aínda que sufriu aquel lóxico distanzamento e pouco tiña que ver co prototipo da icona proxectada da muller sueca. Dicía Eugenio d’Ors que a mellor forma de narrar, de contar é a de facelo en clave biográfica, porque entre outras cuestións é a máis sentida. O traballo comisariado para a sala Alterarte da Universidade de Vigo nesta ocasión por Ánxela Caramés reproduce varias imaxes da época e outras na que a propia artista se instala neses mesmos lugares, tamén aporta nun audio conversas coa nai e un sobrecolledor texto, nun belicoso castelán, se dirixe aos seus sogros. Quizais o máis interesante da mostra é o feito de sacar a luz unha problemática para nós inusual e ademais con credibilidade.
* Terra de soidade, de Anna K. Martin, na sala Alterte da Universidade de Vigo no Campus de Ourense. Comisariado de Ánxela Caramés, até o 23 de marzo. Estado Crítico, 10 comisarios 10 artistas
No hay comentarios:
Publicar un comentario